VOLDA D-Dressur 28-29.09.2019

Vi har ikkje stall i tilknyting til rideanlegget vårt, så tilreisande vil verte innlosjert i ulike mindre stallar kringom i Volda og Ørsta. Alle stallane i Volda sentrum er i skritteavstand frå ridebana (3-15 minutt). Vi har også fått låne ein del stallplassar utanfor sentrum og i nabobygda Ørsta. Nokre av desse tilbyr overnatting på staden. Ta kontakt med oppstallingsansvarleg, så skal vi plassere folk etter beste evne. Det kan vere råd å få leige nokre dagbokser/paddockar på nærliggjande stall dersom det er av interesse. Prisane på oppstalling vil variere litt, alt etter kva som er inkludert. Betaling direkte til kvar stalleigar. Dei ekvipasjene med lengst reiseveg vert prioritert.

På http://voldarideklubb.no/vollane-ridebane/ ligg det kart og reiseskildring. Ridebana ligg på Rotevatn i Volda.

Sekretariatet opnar ein time før første klasse, og stengjer ein halvtime etter siste premieutdeling. Vi tek kontant, vipps og kort.

Foreløpige startlister vert lagt ut etter negativ starterklæring er ute. Startlistene vert endelege fredag kveld.

Ekvipasjer som skal starte KM-klasser må ha gjennomført høgste klasse dei skal starte til godkjent resultat før første start i meisterskapen.

Ekvipasjene melder lagklassene i Horsepro, og lagleiar sender deretter lagoppsettet på e-post til livjorunn83@gmail.com innan påmeldingsfristen. Kvart lag består av 2-3 ekvipasjer frå same klubb. Hugs å melde frå om kven som er lagleiar. Lagleiar betaler samla for laget.

Alle skal vise hestepass med godkjende vaksiner i sekretariatet før hesten vert lasta av hengar. Hugs å ta med bevis på betalt klubbmedlemsskap, rytter- og hestelisens og kvalifisering.

Det vert open kiosk med kald og varm mat tilpassa vêret under heile stemnet. Kiosken er i den raude buda midt på langsida, ved sidan av sekretariatet som er i den grå brakka.